ａｍａｌｆｉ

＜期望已久的陽光與海灘！＞
一想到去阿瑪菲海岸，好開心∼∼∼因為期待左好耐∼期望已久的陽光與海灘！（笑）不過我地無去ｃａｐｒｉ島島，無時間去…（可惜）

＜火車和比利時人＞
我地搭火車去ｓｏｒｒｅｎｔｏ轉巴士，坐火車時，有個比利時男仔嚮我地後面，佢自己一個人旅行，講起大家ｄ　ｐｌａｎ時，佢專去ｄ唔熱門的地方，佢話佢成日去ｃａｍｐｉｎｇ同訓海灘架∼好令人羨慕∼佢好好人咁留低個ｃｏｎｔａｃｔ同屋企地址比我地，等如果我地第時去比利時玩時可以搵佢∼又諗起嚮ｂｕｄａｐｅｓｔ巴士站果兩個比利時人喇∼佢地又差唔多樣，比利時人個個都好似紳士咁ｇｅ？佢地ｄ舉止都好優雅…（笑）

＜走掉的巴士．細心周到的意大利母女＞
我地一出火車站，唔知嚮邊搭巴士，問左個叔叔，佢話佢都唔清楚…點知後來佢嚮對面馬路走返轉頭，話原來對面馬路藍色架巴士可以去到阿瑪菲∼∼∼而且話要快ｔｉｍ，因為架巴士就開∼我地過到去，但佢原來無得上車先買飛，有個人話火車站有得買…咁ｎｉｊｉ同ｋａｒｅｎ就去買飛，我同ｓｉｎｋａ看行李∼但睇住架車就快開，我地同司機講我地ｄ朋友去買緊飛，佢又聽唔明英文…（苦）佢只係見我地企嚮度又唔上車…最後，佢開車走左喇∼∼∼所以，我地就好慘咁睇住架車開走左喇∼　

隨即我地最怕的係，會唔會再無車去阿瑪菲？　我地努力地睇個巴士時間表，睇唔明…（苦笑）之後有對好好人的意大利媽咪同女女幫我地呀，感動∼佢問我地想去邊，話可以幫我地ｃｈｅｃｋ班次，連佢係意大利人都睇唔明個巴士時間表…我地都無咁慚愧…（苦笑）佢話幫我地打電話問呀∼佢仲擔心我地無地方住，我同佢地講我地嚮ａｔｒａｎｉ　ｂｏｏｋ左ｈｏｓｔｅｌ，之後仲幫我地打電話比ｈｏｓｔｅｌ，同ｈｏｓｔｅｌ講我地幾個走左班車，可以要夜晚１２點先去到ｃｈｅｃｋｉｎ∼好細心呀∼∼∼好感動∼∼∼（泣）佢話問左ｏｆｆｉｃｅ，下一班車係２個鐘頭之後呀∼佢就比左佢手上份ｍａｐ我地，話叫我地嚮ｓｏｒｒｅｎｔｏ行下先，話呢個鎮都好多野睇∼　佢介紹我地行咩街，嚮邊食野，好周到∼∼∼（感動）佢仲提我地記住１０點鐘好返黎巴士站等上車喇∼（苦笑）

＜額外遊點ｓｏｒｒｅｎｔｏ＞
ｓｏｒｒｅｎｔｏ好熱鬧∼好多人∼而且，比起我地剛剛去完的ｎａｐｏｌｉ，佢地呢度ｄ人，好似生活寫意好多（？）定全部都係遊客（？）而且佢地好多歡笑聲∼一片繁華景象，夜夜笙歌，充滿歡樂氣氛∼突然好似去左另一個世界∼同之前嚇親我地的ｎａｐｏｌｉ好大分別∼

＜輾轉的三次巴士車程＞
結果夜晚我地轉左３次巴士先到阿瑪菲海岸的ａｔｒａｎｉ…由第一程，我地上左巴士，以為可以直接到步，懷住興奮心情，欣賞沿途風景∼∼∼點知搭搭下，司機叫晒大家落車，叫我地上前面架巴士…我地又係唔知咩事但又好聽話咁跟大家上車，開始無心機睇風景，而且開始好多山路，無咩野睇，仲開始覺得暈…而且開始想嘔ｔｉｍ…忍得好辛苦（苦笑）搭搭下，又停車，話要去前面個迴旋處轉巴士…一聽到，已經想喊∼∼∼（苦笑）又轉…？不過好彩有得落車抖抖，落車行過同坐低休息過，反而舒服ｄ∼∼∼（笑）第三程之後，我地終於去到ａｔｒａｎｉ喇∼∼∼（笑）

＜被困ｈｏｓｔｅｌ＞
我地到ａｔｒａｎｉ，從路邊向橋下望，又見到一片熱鬧景象∼∼∼（笑）我地行落去，見到一堆堆白色屋仔加上黃色的街燈，好靚∼∼∼有個廣場，好多人坐低飲野傾計∼∼∼ｃｈｅｃｋｉｎ之後，執好ｄ野，諗住可以出去行下∼吹下海風∼睇星星∼點知個ｈｏｓｔｅｌ主人唔比∼∼∼（苦）佢話１２點就要關門，大家唔可以出入∼∼∼好失望，有ｄ似坐監的感覺…

＜睇日出＞
結果我地決定第二朝一早早ｄ出去玩∼決定去睇日出∼∼∼但…又係失敗左∼（苦笑）無人知醒呀…∼結果落去廣場ｃａｆｅ食早餐∼見到個閃閃發光的海灘，好開心∼∼∼好想即刻跳落去游水∼∼∼（笑）我地決定去行完ａｍａｌｆｉ鎮先，之後先用晒ｄ時間黎慢慢游∼∼∼（笑）

＜ａｍａｌｆｉ鎮＞
ｈｏｓｔｅｌ個主人個爸爸－伯伯教我地行去ａｍａｌｆｉ，ａｍａｌｆｉ係沿岸最大的鎮仔∼鎮仔入面有間１０世紀主教座堂，佢話去呢度先睇到真正的ａｍａｌｆｉ∼　佢仲幫我地搵左巴士ｔｉｍ呀∼好好人∼原來有架巴士可以直接到ｎａｐｏｌｉ架∼∼∼好開心∼∼∼！！！（笑）而且時間好好∼我地行下鎮入面的大街小街，買手信同ｐｏｓｔｃａｒｄｓ，張張都太靚喇∼叫人點揀…？（苦笑）

＜享受陽光與海灘＞
到中午倒，我地就返ｈｏｓｔｅｌ去換衫游水喇∼∼∼好開心呀∼終於可以享受陽光與海灘∼∼∼！！！而且，係好靚好清的海灘∼大家的腳趾都清晰可見∼（笑）今日係我地到歐洲之後，第一次去海灘∼∼∼因為匈牙利去親都係ｔｈｅｒｍａｌ　ｂａｔｈ同淡水湖…無海∼嚮陽光同咁靚的風景之下，實在游得太舒服喇∼（笑）我終於可以將個頭放上水面游水喇∼竟然係要到意大利先至識∼（苦笑）之後我地同一班意大利小朋友玩沙灘波∼好西利呀佢地，我地好似成日攪到佢地要去執波咁∼（苦笑）因為我地成日打左個波唔知去邊∼（苦笑）好彩之後都打得好ｄ∼後來又有一對情侶加入我地一齊玩∼∼∼（笑）真係好唔捨得走∼走時我地等巴士的地方就係對住個大海，一路希望架巴士遲ｄ黎，等我可以望多個大海幾眼∼∼∼